foodpanda聯乘Burger Joys、Honbo 獨家推出2款漢堡包
「Burgerfest」除咗會為大家推介各間人氣漢堡店，foodpanda 仲特別同2間漢堡店聯乘獨家推出2款漢堡包，絕對係必食之選！第一款有foodpanda同Burger Joys聯手推出嘅松露蘑菇漢堡包，以招牌USDA肉扒配上自家製嘅法式蘑菇蓉同七味粉辣醬，肉汁鮮味、香辣刺激令成個Burger層次更豐富，帶比你頂級嘅滋味感受！
而另一款就同Honbo推出泡菜炸雞漢堡餐 ，以韓式泡菜配上加大碼無骨炸腿堡，食落啖啖肉口感十足；再加入自家調配嘅醬汁，包你食落有驚喜！套餐仲包埋咖哩薯條同飲品一杯，夠晒滿足呀～
Foodpanda 9月Burgerfest！必食5大人氣漢堡店
1. Burger Joys
被喻為香港No.1嘅美式漢堡小店，Burger Joys無論喺漢堡扒定麵包方面都務求帶比大家最佳嘅味道。佢嘅漢堡包以自家黃金比例打造，唔單止搵著名美國包餅師打造麵糰，漢堡扒亦以2分肥8分瘦嘅美國牛肩胛肉製造，確保大家可以食到最完美嘅Burger。
必食推介：雙重芝士漢堡、雞扒漢堡
雙重芝士漢堡份量十足，包身厚度適中加埋兩層漢堡扒同芝士，非常有口感，而且漢堡扒鬆軟多汁，食落絕對唔會有乾噌噌嘅感覺；唔食牛嘅朋友可以試吓雞扒漢堡，雞皮煎至脆身而肉質嫩滑，加埋秘製醬汁同樣好味～
2. The Butchers Club
The Butchers Club採用質量上乘的澳洲進口穀飼牛肉，再以乾式熟成(dry-aged)處理，牛肉亦至少經過兩星期或以上的乾式熟成，食落肉質特別鬆軟，而肉汁亦特別濃郁，難怪連續多年獲得米芝蓮推介！
必食推介：Impossible™ 經典漢堡 (純素)
The Butchers Club除咗提供普通漢堡，仲特別照顧到食素嘅朋友，以近年熱賣嘅Impossible™植物肉打造經典漢堡，連埋全素芝士、純素醬料及其他配料，就好似食緊真嘅漢堡包一樣！
3. The Diner
The Diner號稱係最地道嘅美式餐廳，每款食材都經過嚴格挑選，而漢堡扒亦係100%以USDA安格斯牛肉製作，加埋鬆軟嘅漢堡包，食得特別滋味。而且The Diner嘅份量超十足，大胃王去食都一樣夠滿足！
必食推介：嬉皮士漢堡 (無牛肉成分)、十分錢漢堡
唔食牛肉就無得食漢堡包？The Diner嘅嬉皮士漢堡正正就係為唔食牛肉嘅朋友而設，漢堡扒以紅菜頭同豌豆製成，口感食落都幾似真肉，值得一試～至於十分錢漢堡就有齊大大塊漢堡扒、煙肉、芝士同其他配料，超邪惡之選！
4. Honbo
今年成為全港唯一一間入選Bloomberg 2020年全球最佳漢堡嘅Honbo，漢堡扒特別混合唔同部位嘅牛肉，令到口感更加豐富而香味亦特別濃郁，加埋自家製醬汁同麵包，唔少人都話食完返唔到轉頭！
必食推介：芝士漢堡、Impossible素肉漢堡
芝士漢堡睇落單調乏味，但4安士嘅漢堡扒配埋自家製酸瓜、芝士、洋蔥、生菜同自家製醬汁，味道相當平衡而清爽唔油膩，食得出Honbo落咗好多心機去整；而食素嘅朋友就可以試佢哋嘅Impossible素肉漢堡，一樣食得出Honbo有幾出色！
5. Five Guys
美國連鎖漢堡店Five Guys自2018年登陸香港，至今已經開咗第4間分店。Five Guys嘅漢堡扒採用新鮮免治牛肉製成，仲有成15種免費配料任你揀，薯條係即叫即炸夠晒脆口，加埋杯招牌Milkshake就perfect！難怪時至今日仍然人龍不斷！
必食推介：煙肉芝士漢堡 配 Cajun辣香料風味薯條
煙肉煎到勁脆身、芝士味香濃、加埋超厚身漢堡扒，飽肚感十足～雖然Five Guys嘅原味薯條已經夠正，但加咗Cajun辣香料嘅薯條別有一番風味，辣得夠過癮！
9月限定 滿$100輸入優惠碼「BURGERFEST」即免運費
係咪睇見都流晒口水想即刻嗌Burger呢～唔使咁心急住，拎埋免運費優惠碼先至嗌啦！由即日起至9月30日，只要喺foodpanda嘅漢堡店落單滿$100，輸入優惠碼「BURGERFEST」即可享免運費優惠，今個月一於瘋狂試勻唔同舖頭嘅漢堡包啦！
September 04, 2020 at 02:00PM
https://ift.tt/2F09WIh
TOP 5人氣漢堡包外賣！必試foodpanda 2大獨家聯乘漢堡包| 飲食 - 新假期周刊
https://ift.tt/2Cspq6q
No comments:
Post a Comment